مصري عائد من السودان: «الجثث تملأ الشوارع.. مصر مبتسبش ولادها» – أخبار مصر
كشف أحد المصريين العائدين من السودان، تفاصيل ما يحدث هناك قائلًا: «الأوضاع هناك صعبة جدًا وكارثية، مدينة الخرطوم ومدينة جبل الأولياء الأوضاع فيها مرعبة، الكهرباء كانت مقطوعة 7 أيام هي والمياه، ومفيش اتصالات وإنترنت، والمخابز كلها مقفولة، والمحلات قفلت، والجثث كنا بنشوفها في الشوارع ومبتدفنش، الأوضاع كانت صعبة».
الحمد لله إننا جينا في الوقت المناسب
أضاف خلال تصريحات خاصة: «الحمد لله إننا جينا في الوقت المناسب، ومش غريب إن الدولة المصرية متسبش ولادها في أي أزمة خالص، ده شيء متوقع جدًا».
وتابع: «احنا كنا في بعثة حكومية في السودان، وكان رئيس البعثة بيتواصل مع القنصلية، وآخر تعليمات القنصلية، إننا نتوجه لأحد المعابر أيهم أقرب للمدينة اللي احنا فيها واحنا اتنقلنا بري لمدة 17 ساعة، ووصلنا بورسودان واحنا من يوم الاتنين الساعة 4 والحمد لله كللت بالنجاح في الآخر».
ووجه المصري العائد من السودان رسالة للدولة المصرية، قائلًا: «مش عارف أقول أيه للدولة المصرية، لأن الكلام كتير، كنت أسمع زمان إن أي حد مغترب مصري بيحصل له حاجة برة الدولة، بتهب جاهدة، وإن كان ده دورها لكن اللي سمع مش زي اللي شاف، أنا شفت من أول رحلة العودة، سلمنا نفسنا للمعابر حتى السكن، ووفروا لنا مكان، وبتنا في مكان ضيافة جميل جدًا لحد الصبح ما اتنقلنا للمطار».
